Техничкиот експерт Ана Петровска од РЕЦ – Kанцеларијата во Македонија, беше ангажирана од страна на Постојаната работна група за регионален рурален развој (Regional Rural Development Standing Working Group - SWG) во спроведувањето на проектот “Управување со цврст отпад во прекуграничките рурални и крајбрежни области во Југо-источна Европа” (“Solid Waste Management in cross-border rural and coastal areas of South Eastern Europe”) во периодот октомври 2015-јуни 2016 година. Проектот го спроведоа заеднички SWG и мрежата на асоцијации на локални самоуправи во Југо-источна Европа (network of associations of local authorities of SEE - NALAS). Финансиска поддршка обезбедија Отворениот регионален фонд на ГИЗ за модернизација на општинските услуги во Југо-источна Европа (GIZ Open Regional Fund for South East Europe – Modernisation of Municipal Services (ORF MMS) и Владата на Швајцарија. Во рамките на проектот се реализираа следните активности: 1. Воспоставен метод за проценка на прекуграничните негативни влијанија врз животната средина и економскиот развој од несоодветното управување со отпад во пилот регионите: Јадранско Море, Тара – Дрина – Сава и Шара; овој метод се дискутираше на национални работилници одржани во пилот регионите: https://www.youtube.com/watch?v=VYtCujk3KVY 2. Проценка на прекуграничните влијанија од несоодветното управување со отпад; резултатите од проценката се дискутираа на Првите дијалог платформи што се одржаа во секој од пилот регионите: https://www.youtube.com/watch?v=vmgs7oLy15A 3. Изработени Модели за интегрирано управување со отпад во пилот регионите; моделите се дискутираа во текот на Вторите дијалог платформи што се одржаа во секој од пилот регионите: https://www.youtube.com/watch?v=vZWmH7ZmMQw 4. Спроведени пилот мерки и предложени препораки за политики во областа на интегрираното управување со отпад во пилот регионите: https://www.youtube.com/watch?v=5t1Vo_i_Iu8 5. Изработени 3 регионални предлог проекти (фишеа) врз основа на Моделите за интегрирано управување со отпад: https://www.youtube.com/watch?v=DRmlG0Cj-Nk